 |
| ඔන්න අපේ සිංඩියට පොටෝ එකකුත් හැදුවා බොලන් |
මේ කතාව ගෙතිලා තියෙන්නේ අපේ අල්ලපු ගමේ සිරිසේන මාමා වටා..කව්රුහරි අපේ සිරිසේන ජනාදිපතිතුමා ගෙන කතා කරනවයි කියලා කැරකෝප්පුව පැත්තට ගොඩ වුනානම් සමාවෙන්ට....
අපේ සිරිසේන ගොයියව අපි හරියට අදුරගත්තේ අපි ස්කෝලේ යනවුන් කාලේ. හැමදාම උදේට සිරිසේන මාමා අක්කලා දෙන්නත් එක්ක ස්කෝලේ ළගට ඇවිල්ලා අක්කලා දෙන්නව ස්කෝලෙට දාලා යනවා. ඒ දෙන්නව ගන්න හවසටත් එන්නේ සිරිසේන මාමමයි. මාමට බයිසිකල් පදින්නත් බෑ.. අර ගිනිකූටක අව්වේ පිච්චි පිච්චි යනකොට අපිටත් දුක හිතෙනවා. දුක හිතෙන අපිත් තොප්පියක්වත් නැතුවම යන්නේ ඒ අව්වේ...
කෙල්ලෝ දෙන්නා හින්දා සිරිසේන මාමට වැඩකට යන්නවත් විදියක් නෑ.. මොකද අපේ ස්කෝලේ තිබුණු පැත්ත එච්චර හොද තැනක් නොවීම හා කෙල්ලෝ දෙන්නට මාමා ගොඩක් ආදරේ කිරීම. අම්මත් නැති දරුවෝ දෙන්නනේ. ආ මට ඉස්සෙල්ලා කියන්න බැරි උනානේ.... සිරි මාමාගේ වයිෆ්(මායියා) දරුවෝ දෙන්නා පොඩි කාලෙදිම වෙන මිනිහෙක් එක්ක පැනලා ගිගිහිල්ලා. කොහේට ගියාද කියලා මම තියා මිනිහාවත් දන්නෑ....
ජීවන වියදමත් වැඩි වීමත් එක්ක සිරි මාමට පවුල නඩත්තු කරගැනීමට අසීරු තත්වයකට පත් වෙනවා. මෙතෙක් දවසක් පාසලේ කැපී පෙනෙන ළමයි දෙන්නෙක් ලෙස පාසලට පැමිණි අර කෙල්ලෝ දෙන්නා ටික ටික පාසලේ අපිරිසිදුම ළමයි දෙන්නා බවට පත්වෙන්න වැඩි කාලයක් ගත වුනේ නෑ..
ඔය කාලේ සිරි මාමට මහසෝනා ගහලා කියලා අපිට ආරන්චි වුනා. කොහොම ගැහැව්වද කියලා මම දන්නෑ ඒ දවස් වල ඕවා ගෙන හොයන්න මට මාර ඇම්මක් තිබුනා. ඒත් හෝඩුවාවක් හොයා ගන්න බැරිවුනා. ඊට පස්සේ ගෙදර ඇවිල්ලා අම්මාගෙන් ඇහැව්වා. අම්මා කිව්වා ඕවා ගෙන හොයන්න එපා හෙව්වොත් මහසෝන් දිශ්ටිය මගේ පස්සෙන් එනවා කියලා. ඒක නිසා ඒක හොයන එක අත ඇරලම දැම්මා. මොනවා කරන්නද මහසෝන් මලයා පස්සෙන් ආවොත්...
සිරි මාමා පිස්සුවෙන් වගේ කෑ මොර දෙන්න පටන් ගත්තා. ගෙදරත් ඉන්නේ අර කෙල්ලෝ දෙන්නා විතරයිනේ. උන්දෙන්නා දන්න දෙයක්යැ. මට ගිහින් කරන්න පුලුවන් දෙයක් තියෙයි. ඊට මාසෙකට පස්සේ අර කෑ කෝ ගහන එක නැවතුනා ඒත් මිනිහට පිස්සු. එක කෙල්ලෙක් ස්කෝලේ යන එක නවත්තලා ගාමට් යන්න පටන් ගත්තා. ඊට මාසෙකට පස්සේ පොඩි කෙලීත් ස්කෝලේ යන එක නැවෙත්තුවේ ස්කෝලේ එවුන් උබේ තාත්තා පිස්සුට කියලා කියන හින්දා....
ඔහොම මාසයක් විතර ගියා. සිරි මාමා වැඩිය එලිය පහලට බහින්නෙත් නෑ. පිස්සු ගතිය නම් පොඩ්ඩක් විතර අඩුයි. දවසක් මහ රෑ සිරි මාමා නැගිටලා තියෙන්නේ හොදටම මූත්රා බරක් හැදිලා. වෙනදා පුරුද්දටම සිරි මාමා උලුවස්ස ළගට ගිහිල්ලා පයිපේ අල්ලන ගමන් "අද තරු එකක්වත් පායලා නෑනේ" මාසේ පෝයක් වෙන්නැති කියලා අදට ගිහිල්ලා නිදාගෙන.
උදේ නැගිටලා බැලින්නම් සිරි මාමා මූත්රා කරලා තියෙන්නේ අල්මාරියේ දොර ඇරලා...
සිරි මාමා ඊට මාස කිහිපයකට පස්සේ අපෙන් සමුගත්තා. මැරෙනතාක් මිනිහාගේ පිස්සුව හොද වෙලා තිබුනේ නෑ. හැබැයි මිනිහට මහසෝනා ගැහැව්වද නැත්තනම් ආර්ථික අපහසුතාව නිසා පිස්සු හැදුනද කියලනම් දන්නෑ..
.............................................................................................
කැරකෝප්පුව,
ඕන් බොලන් අපේ සින්ඩියට රූප පොජ්ජක් එහෙම එකතුකලා.. බොලාලා ලියන හා අදුරන ගොයියන්ගේ අඩවි මෙහි නැත්නම් කියලා යනවනම් ලොකු උදව්වක් ගොයියෝ...
බොලාලටත් පුලුවන් සිංඩියට පොඩි සහයෝගයක් දෙන්න ඒත් අපි ලග ජාවා ස්කීප් එහෙම නෑ.. සහයෝගයක් දෙන්න කැමතිනම් සිංඩියේ පහල තියෙන රූපය භාවිතා කරන්න. දන්නේ නැති එවුන් පහල තියෙන උපදෙස් මාලාව කියවලා දාගන්න.
ඔබ ලබා දුන් සහයෝගයට බොහොමත්ම ස්තුතියි!!!
මට කියවන්න
ඔබේ අඩවියත්.
ප.ලි.
උඩින් ලියපු කතාව ඇත්තම කතාවක්. හොල්මන් කතා තව කිහිපයක් තියෙනවා දාන්න කතාවලට එන්ටර් විය යුතු ආකාරය මේ දවස්වල හොය හොය ඉන්නවා. ඉක්මනටම ඒ කතාටිකත් දාන්නම්.
කතාව කියවලා ලබාදුන් සහයෝගයට ස්තුතියි!!!
